SAYYOR QABUL – MUAMMO VA YECHIM

Bugungi kunda fuqarolar murojaatlari bilan ishlash, ularning muammolarini hal qilish borasida tizimli ishlar olib borilmoqda. Xususan, kuni kecha Xorazm viloyatida Urganch harbiy prokuraturasi bilan hamkorlikda Milliy gvardiya hududiy boshqarmasi harbiy xizmatchilari va xodimlari hamda ularning oila aʼzolari bilan sayyor qabul o‘tkazildi.

Mazkur tadbirda 15 dan ortiq davlat tashkilotlarining mutaxassislari ishtirokida harbiy xizmatchi va xodimlarning ijtimoiy muammolarini hal qilish yuzasidan ularning oila aʼzolarini bandligini taʼminlashga ko‘maklashish masalalari o‘rganib chiqildi va mehnat yarmarkasi tashkil etildi.

Ushbu yarmarkada harbiy xizmatchi va xodimlar, ularning oila aʼzolari masʼul xodimlardan o‘zlarini qiziqtirgan barcha savollarga javob olishdi. Tadbirda jami bo‘lib, 32 nafar fuqaro viloyatda mavjud bo‘sh ish o‘rinlariga joylashish uchun murojaat qilgan. Ushbu murojaatlarni qisqa vaqt ichida hal qilish uchun tegishliligi bo‘yicha masʼul idora tashkilotlarga vazifalar yuklatildi va shu yerning o‘zida davlat xizmatlari markazi orqali 6 nafar fuqaroning ijtimoiy masalalari hal etildi, 8 ta murojaatga tegishli soha vakillari tomonidan tushuntirish berilgan bo‘lsa, 18 ta murojaat nazoratga olini, qisqa muddat ichida hal qilish bo‘yicha ko‘rsatmalar berildi.

Tadbir so‘ngida kitob yarmarkasi tashkil etilib, harbiy xizmatchi va ularning oila aʼzolari o‘zlari qiziqqan badiiy, tarixiy va boshqa kitoblarni sotib olish imkoniyatiga ega bo‘ldilar.

Belgilangan matnni tinglash uchun quyidagi tugmani bosing Powered by GSpeech