QASHQADARYO VILOYATINING BARCHA TUMANLARIDA OT SPORTINING YANGI TURLARI BO‘YICHA MUSOBAQALAR O‘TKAZILMOQDA
Joriy yilning 15 sentyabr kuni Qashqadaryo viloyati Yakkabog‘ tumanida ot sportining yangi turlari bo‘yicha musobaqa tashkil etildi.
O‘tkazilgan musobaqada mard va jasur chavandozlarimiz ot sportining yangi turlari: “ot ustida yugurish”, “jamoaviy uloq-ko‘pkari”, “ot ustida kurash”si hamda “olomon uloq-ko‘pkari” bo‘yicha o‘z imkoniyatlarini sinovdan o‘tkazishdi.
Qiziqarli o‘tgan mazkur bellashuvda mahoratli ishtirokchilar barchaga xush kayfiyat ulashib, ajdodlardan avlodlarga meros bo‘lib o‘tib kelayotgan milliy anʼanalarimiz bo‘lgan ot sportining yangi turlarini yana bir bora amalda ko‘rsatib berdilar.
Musobaqa yakunida g‘olib chavandozlar tashkilotchilar tomonidan munosib taqdirlandi.
