Yo‘l harakati xavfsizligi qoidalari va xizmat avtomashinalari ishtirokidagi Yo‘l-transport hodisalari profilaktikasi bo‘yicha yo‘riqnoma tashkil etildi.
O‘zbekiston Respublikasi Vazirlar Mahkamasining "Transport vositalarini majburiy texnik ko‘rikdan o‘tkazish tartibini takomillashtirishga doir qo‘shimcha chora-tadbirlar to‘g‘risida"gi qaroriga muvofiq, joriy yilning 04 oktyabr kunidan 12 noyabr kunlariga qadar O‘zbekiston Respublikasi Milliy gvardiyasi Qo‘riqlash Bosh boshqarmasi va hududiy boshqarmalar tasarrufida bo‘lgan xizmat transport vositalarini 2022 yilgi majburiy texnik ko‘rikdan o‘tkazilishi rejalashtirilgan.
Xususan, kuni kecha tizimda yo‘l-transport hodisalarining oldini olish maqsadida barcha toifadagi haydovchilar bilan yo‘riqnoma, maxsus mashg‘ulotlar, yo‘l harakati qoidalari bo‘yicha bilimlar sinovlari, suhbat, uchrashuv va avtomobillar holati texnik ko‘riklarini tashkillashtirish bo‘yicha Milliy gvardiya Qoraqalpog‘iston Respublikasi bo‘yicha Qo‘riqlash boshqarmasida xizmat avtomobillarining yillik texnik ko‘rigi o‘tkazilib, shaxsiy tarkib ishtirokida Yo‘l harakati xavfsizligi qoidalari va xizmat avtomashinalari ishtirokidagi Yo‘l-transport hodisalari profilaktikasi bo‘yicha yo‘riqnoma (instruktaj) tashkil etildi.
