Shaxsiy tarkib ishtirokida "Huquqbuzarlik va jinoyatlarga qarshi kurashishda barchamiz masʼulmiz" mavzusida uchrashuv bo‘lib o‘tdi
Buxoro harbiy prokuraturasi tomonidan Milliy gvardiya Buxoro viloyati “Qo‘riqlash” boshqarmasi shaxsiy tarkibi ishtirokida "Huquqbuzarlik va jinoyatlarga qarshi kurashishda barchamiz masʼulmiz" mavzusida muloqot o‘tkazildi. Unda shaxsiy tarkibga mamlakatimizda sud-huquq sohasida amalga oshirilgan keng qamrovli islohotlar, shuningdek, huquqbuzarliklarning oldini olish borasida olib borilayotgan ishlar haqida maʼlumotlar berib o‘tildi.
Bundan tashqari boshqarma Tibbiyot bo‘linmasi masʼul xodimlariga shaxsiy tarkib orasida sog‘lom turmush tarziga rioya qilish, chuqurlashtirilgan tibbiy ko‘rikdan o‘z vaqtida o‘tilishi, sog‘ligi bo‘yicha shikoyati bilan murojaat qilgan xodimlarni alohida nazoratga olib, ularga kerakli yordam va maslahatlar berish to‘g‘risida ko‘rsatmalar berib o‘tildi.
Savol-javoblarga boy bo‘lgan suhbatda ishtirokchilarni qiziqtirgan masalalarda to‘liq tushuntirishlar berildi.