O‘zbekiston Respublikasi Jamoat xavfsizligi universiteti magistraturasini tamomlagan magistrlarning bitiruviga bag‘ishlangan tantanali marosim bo‘lib o‘tdi.
Joriy yilning 1 iyul kuni 2021/2022-o‘quv yilida “Jamoat xavfsizligini huquqiy taʼminlash” mutaxassisligi bo‘yicha magistratura bosqichini muvaffaqiyatli yakunlagan 15 nafar harbiy xizmatchilar magistr diplomlariga ega bo‘lishdi. Bitiruvchilardan 12 nafari Milliy gvardiya va 3 nafari Mudofaa vazirligi harbiy xizmatchilaridir.
Tadbirda so‘zga chiqqan Milliy gvardiya qo‘mondonligi va Universitet boshlig‘i polkovnik M. Rustambayev tomonidan bitiruvchilarga kelgusi faoliyatida yuksak masʼuliyat, halollik va kamtarlik fazilatlarini namoyon etib, ona Vatani, xalqi va Prezidentiga sadoqat bilan xizmat qilishlariga ishonch bildirildi.
Shundan so‘ng bitiruvchilarga magistrlik diplomlari tantanali ravishda topshirildi.
Shuni alohida taʼkidlab o‘tish joizki, safda turgan magistratura bitiruvchilariga o‘tgan davr mobaynida tajribali professor-o‘qituvchilar tomonidan mutaxassisliklar bo‘yicha zamonaviy moddiy-texnik baza asosida taʼlim-tarbiya berildi. Universitetda tahsil olish jarayonida ularni yuksak professional tayyorgarlikka, eng ilg‘or innovatsion bilim va ko‘nikmalarga ega bo‘lishlariga, xorijiy tillarni o‘rganishlariga alohida ahamiyat berildi. Natijada bitiruvchilarning harbiy va huquqiy bilim va ko‘nikmalari yuksalish bilan birga, ularning qalbida yana-da vatanparvarlik, sadoqat va matonat tuyg‘ulari shakllandi.
