Surxondaryo viloyatida Milliy gvardiya qoʻmondoni general-mayor R.Djurayev boshchiligida, viloyat kuch tuzilmalari hamkorligidagi maxsus-taktik oʻquv mashgʻuloti oʻtkazildi
Milliy gvardiya Surxondaryo viloyati boʻyicha boshqarmasida kuch tuzilmalari hamkorligidagi maxsus-taktik oʻquv mashgʻuloti oʻtkazildi. Unda Milliy gvardiya qoʻmondoni general-mayor R.Djurayev hamda viloyatning huquq tartibot idoralari rahbarlari ishtirok etishdi.
Mazkur oʻquv mashgʻuloti davomida, dunyoda yuz berayotgan turli xavf xatarlardan kelib chiqib,harbiy xizmatchi va xodimlarning yuqori jangovar shayligi, viloyatning hududiy xususiyati hamda shahar sharoitidagi nostandart vaziyatlarda ularning hamkorlikdagi aniq va ishonchli harakatlari, shuningdek, zamonaviy usullardagi boshqaruv tizimiga alohida eʼtibor qaratildi.
Tadbir yakunida, viloyatdagi kuch tuzilmalarining oʻzaro hamkorligini yanada mustahkamlash, shaxsiy tarkibning jangovar va maʼnaviy tayyorgarligini Jahon tajribasiga mos ravishda takomillashtirib borish, komandir va boshliqlarning boshqaruvchanlik mahoratlarini yuqori darajaga olib chiqishga doir vazifalar belgilanib, tegishliligi boʻyicha topshiriqlar berildi.
Shu kuni davom etgan manzilli ishlar davomida, Milliy gvardiya qoʻmondoni harbiy xizmatchilarning xizmat uylaridagi yashash sharoiti bilan tanishgan holda ularning oila aʼzolari bilan yaqindan suhbatlashdi. Shundan soʻng, Milliy gvardiya tasarrufidagi Qorabayir otlari mahorat maktabi faoliyati bilan tanishib, hududda olib boriliyotgan qurilish ishlarini koʻzdan kechirdi. Ushbu maskanda amalga oshirilayotgan ishlar va istiqbolli rejalari yuzasidan mutasaddi rahbarlarning axborotlari tinglanib, sport komplekslarni tashkil qilinishi va aholini ayniqsa yoshlarni keng jalb qilish borasida muhim vazifalar belgilab berildi. Shuningdek, Qorabayir otlari mahorat maktabidagi seksiya va klublar faoliyatini yanada takomillashtirish borasida masʼul rahbarlarga tegishliligi boʻyicha topshiriqlar yuklatildi.
