SURXONDARYO VILOYATIDA HARBIY XIZMATCHILARGA YANGI UYLAR TOPSHIRILDI
Mamlakatimizda harbiy xizmatchilar va ularning oila aʼzolarini ijtimoiy himoya qilishni kuchaytirish yo‘lida amalga oshirilayotgan islohotlar kun sayin o‘z natijasini ko‘rsatmoqda. Xususan, joriy yilning 30 avgust kuni Surxondaryo viloyati bo‘yicha Milliy gvardiya boshqarmasi harbiy xizmatchilariga yangi zamonaviy meʼmoriy uslubda qurilgan 5 qavatli xizmat uylarning xonadon kalitlarini topshirish marosimi bo‘lib o‘tdi.
Tantanali tadbirda Surxondaryo viloyat hokimining o‘rinbosari, viloyat Milliy gvardiya boshqarmasi rahbariyati, davlat va jamoat tashkilot vakillari, shuningdek harbiy xizmatchilar hamda ularning oila aʼzolari ishtirok etishdi.
Xulosa o‘rnida shuni taʼkidlash joizki, imtiyozli ravishda ko‘p yillik ipoteka krediti asosida taqdim etilgan ushbu uylar yosh harbiy xizmatchilarning maishiy sharoitlarini yaxshilashda, oilaviy totuvlikni saqlashida davlatimiz tomonidan yaratib berilayotgan keng imkoniyatlarning yorqin namunasidir
