TEMUR BOBOM MENING FАXRIM
Joriy yilning 7 aprelь kuni Milliy gvardiya Fargʼona viloyati boʼyicha boshqarmasida buyuk bobokalonimiz Аmir Temur tavalludining 685 yilligiga bagʼishlangan “Temur bobom mening faxrim” mavzusida viktorina tanlovi oʼtkazildi, ushbu viktorinada Milliy gvardiyaga qarashli harbiy qism muddatli harbiy xizmatchilaridan iborat “Аmir Temur vorislar” jamoasi, Fargʼona shaharida joylashgan 6-sonli umumiy oʼrta taʼlim maktabining “Yosh gvardiyachilar” jamoasi va Oltiariq tumanida joylashgan 14-sonli umumiy oʼrta taʼlim maktabining “Yosh temurbeklar” jamoalari ishtirok etdilar.
Tanlov quyidagi shartlarda oʼtkazildi:
1-shart. Аmir Temur xayoti va harbiy sanʼatini yoritish
2-shart. Аql charxi viktorinasi
3-shart. Bahodirlar bellashuvi:
- Tosh koʼtarish
- Turnikda tortilish”
- Estafeta 3x100
Turli shartlar boʼyicha bellashayotgan jamoalarni baholash uchun Fargʼona shahar birinchi sonli musiqa maktabi direktori oʼrinbosari M.Boltaboeva, Fargʼona shahar deputati B.Hamidov, Fargʼona davlat unversiteti katta oʼqituvchisi X.Holdorovlar ishtirok etdilar.
Oʼtkazilgan vitorinada faxrli 1-oʼrinni “Yosh temurbeklar” jamoasi, 2-oʼrinni “Yosh gvardiyachilar” jamoasi, 3-oʼrinni “Аmir Temur vorislari” jamoasi egalladi.
Ishtirokchilar diplom va qimmatbaxo sovgʼalar bilan taqdirlandi.
