Xorazm viloyatida o‘tkazilgan "ENG YAXSHI KITOBXON" KO‘RIK tanlovining g‘oliblari aniqlandi.
Yoshlar va o‘smirlarning madaniyat, sanʼat, o‘qish, sport va axborot texnologiyalariga bo‘lgan qiziqishlarini oshirishga qaratilgan "besh tashabbus" tadbirlari doirasida Milliy gvardiya Xorazm viloyati bo‘yicha boshqarmasi hamda Qo‘riqlash boshqarmasi bilan hamkorlikda Urganch shahrida joylashgan "Maxmud Az-Zamaxshariy" nomidagi viloyat kutubxonasida "Eng yaxshi kitobxon" ko‘rik tanlovining saralash (viloyat) bosqichi o‘tkazildi.
Mazkur tadbir Milliy gvardiyaga biriktirilgan maktab o‘quvchilari, Urganch Davlat universiteti talabalari ishtirokida o‘tkazilib, unda Urganch shahar 1-sonli bolalar musiqa va sanʼat maktabi o‘qituvchi va uquvchilari tomonidan ijro etilgan ashula va raqslar to‘plami yig‘ilganlarga o‘zgacha kayfiyat baxsh etdi. Tanlov natijalariga ko‘ra g‘olib bo‘lgan ishtirokchilar diplom hamda esdalik sovg‘alar bilan taqdirlandi.
