Milliy gvardiyaga biriktirilgan umumtaʼlim maktablarida ham yangi o‘quv yili ko‘tarinki ruhda boshlandi
Kuni kecha respublikamiz bo‘ylab Milliy gvardiyaga biriktirilgan umumtaʼlim maktablarida birinchi qo‘ng‘iroq sadolari yangradi. "Yangi O‘zbekistonda el aziz, inson aziz!" shiori ostida bo‘lib o‘tgan tadbirlarda boshlang‘ich sinflarga qadam qo‘ygan jajji o‘quvchilar katta xursandchiliklar bilan taʼlim dargohiga kirib kelishdi.
Tadbir avvalida masʼul rahbarlar o‘quvchi yoshlarni "Bilimlar kuni" hamda yangi o‘quv yili boshlanganligi bilan samimiy muborakbod etib, yoshlarni ilm olishdan hech qachon charchamay, vatanimiz kelajagi uchun munosib farzand bo‘lib yetishishlarida tilakdosh ekanligini bildirdi.
Shundan so‘ng, harbiy-vatanparvarlik yo‘nalishiga ixtisoslashgan sinflar o‘quvchilari bilan suhbatlar tashkil etilib, o‘g‘il-qizlarga Prezident sovg‘alari hamda kitoblar to‘plami topshirildi.
