Poytaxtimizdagi “Farhod” bozorida to‘xtatilgan shubhali shaxs yonidan giyohvand modda borligi aniqlandi
Poytaxtimizning Uchtepa tumanidagi “Farhod” dehqon bozori hududida jamoat tartibi va fuqarolar xavfsizligini taʼminlayotgan Milliy gvardiya va Ichki ishlar organlari xodimlari 23 iyul kuni soat 12:00 larda o‘zining xatti-harakatlari bilan xodimlarda shubha uyg‘otgan shaxsni to‘xtatishdi. Yonida hech qanday hujjatlari bo‘lmagan erkak asabiylashib, xodimlarning savollariga to‘liq javob bermasdan tezroq ketishga harakat qilgani bois o‘zida yanayam shubha uyg‘otdi. Fuqaroning shaxsiga aniqlik kiritish maqsadida tuman ichki ishlar bo‘limiga olib borildi. Shaxsiy ko‘rik vaqtida fuqaro sumkasining yon cho‘ntagidan o‘tkir, o‘ziga xos hidli yashil rangli modda bo‘lgan o‘ram topildi.
Mazkur holat yuzasidan Surxondaryo viloyatida tug‘ilgan 45 yoshli fuqaroga nisbatan Uchtepa tumani IIB tomonidan tergovga qadar tekshiruv harakatlari olib borilmoqda.
