O‘zbekiston Respublikasi kuch tuzilmalari tasarrufidagi "Temurbeklar maktabi" o‘quvchilari o‘rtasida "Men g‘olib" shiori ostida 5000 metrga ommaviy yugurish marafoni o‘tkazildi.
Mazkur marafon Milliy gvardiya tashabbusi bilan kuch tuzilmalari, O‘zbekiston Yengil atletika federatsiyasi, Toshkent shahar hokimligi hamda O‘zbekiston yoshlar ishlari agentligi hamkorligida tashkil etilib, unda ishtirokchilar jamoa bo‘lib g‘oliblik uchun kurashdilar.
Musobaqa yakunida g‘olib bo‘lgan jamoa eng qisqa vaqt ko‘rsatgichlari asosida aniqlandi.
Bellashuv natijalariga ko‘ra faxrli 3- o‘rinni DXX Temurbeklar jamoasi, 2- o‘rinni FVV Temurbeklar maktabi jamoasi qo‘lga kiritdi. 5 km.ga ommaviy yugurish marafonning mutlaq g‘olibi deb Milliy gvardiya Temurbeklar maktabi jamoasi topildi. G‘olib va sovrindorlar tashkilotchilar tomonidan kubok, medal, diplom hamda qimmatbaho sovg‘alar bilan taqdirlandi.
Shuningdek, faol qatnashgan ishtirokchilar " G‘alabaga intilish" hamda " Ommaviy sportni rivojlantirishga munosib hissa qo‘shgani uchun" nominatsiyalari bo‘yicha ham rag‘batlantirildi.
