Milliy gvardiya harbiy xizmatchisi Qurolli kuchlar kuch tuzilmalari o‘rtasida bo‘lib o‘tgan armrestling chempionatida shohsupaning eng yuqori pog‘onasini egalladi
O‘zbekiston Respublikasi Mudofaa vazirligi Oliy sport natijalarini rivojlantirish markazida armrestling bo‘yicha birinchilik bo‘lib o‘tdi. Chempionatda Mudofaa, Ichki ishlar, Favqulodda vaziyatlar vazirliklari, Milliy gvardiya, Bojxona qo‘mitasining professional va havaskor sportchilari hamda oliy o‘quv yurtlari talabalari, o‘smirlar sport maktablari o‘quvchilari ishtirok etdi.
Milliy gvardiya Toshkent viloyati bo‘yicha boshqarmasi muddatli harbiy xizmatchisi To‘raqulov Bekzod G‘ayrat o‘g‘li barcha raqiblarini o‘ng va chap qo‘lda ham mag‘lub etib, birinchi o‘rinni egalladi.
O‘zbekiston Respublikasi Milliy gvardiyasi qo‘mondonligi va shaxsiy tarkibi nomidan safdoshimizni samimiy qutlaymiz
