Xizmatlari munosib rag‘batlantirilmoqda.
Maktablarda tarbiya va maʼnaviyat hamda o‘quvchilarni vatanparvarlik ruhida tarbiyalash ustuvor vazifa Navoiy viloyatida mazkur vazifalarning amaliy ijrosi yuzasidan, Maktabgacha va maktab taʼlimi boshqarmasi boshlig‘i R.Hayitova hamda Milliy gvardiya hududiy boshqarmasi boshlig‘i B.Toirovlar hamkorligida manzilli ishlar yo‘lga qo‘yilgan.
Xususan, viloyat bo‘yicha 364 ta umumiy o‘rta maktab o‘quvchilarining o‘tgan hafta davomidagi darsdagi davomatlari tahlil qilinib, yuqori sinf o‘quvchilari bilan bog‘liq masalalar va ularning yechimi borasida “Maktab – ota-ona – mahalla” tamoyili asosidagi tizimli ishlar olib borilmoqda.
Shuningdek, o‘quvchilarni taʼlim-tarbiyasiga yangicha yondashuvi bilan darslardagi davomatda ijobiy o‘zgarishlar bo‘lishiga munosib hissasini qo‘shgan bir guruh o‘qituvchilar Milliy gvardiya boshqarma boshlig‘i buyrug‘i bilan munosib rag‘batlantirilmoqda.
Jumladan, Navoiy shahar 13-umumiy o‘rta taʼlim maktabi direktori A.Usmanova, Karmana tumani 2-umumiy o‘rta taʼlim maktabi direktori T.Xalilova hamda Uchquduq tumani 20-umumiy o‘rta taʼlim maktabi direktori N.Ro‘ziyevalarga boshqarma boshlig‘ining tashakkurnomasi va qimmatbaho esdalik sovg‘alari topshirildi.
