“Yangi nafas” ommaviy yugurish musobaqasi o‘tkaziladi
Joriy yilning 19 noyabr kuni respublikamiz bo‘ylab 16 ta shaharda O‘zbekiston Respublikasi Davlat bayrog‘i qabul qilingan kunga bag‘ishlangan “Yangi nafas” ommaviy yugurish musobaqasi tashkil etilishi rejalashtirilgan. Yugurish musobaqasi Nukus, Nurafshon, Guliston, Andijon, Namangan, Farg‘ona, Jizzax, Samarqand, Navoiy, Buxoro, Qorovulbozor, Termiz, Qarshi, G‘uzor, Xiva va Toshkent shaharlarida bo‘lib o‘tadi, ayni kunlarda tayyorgarlik ishlari qizg‘in davom etmoqda. Barcha shaharlarda yagona masofa 3 km, Toshkentda esa 3 km va 10 km. bo‘yicha yugurish musobaqalar o‘tkaziladi.
Eslatib o‘tamiz, Toshkent shahridagi yugurish musobaqasida qatnashadigan yuguruvchilar va sportchilar uchun iticket.uz saytida ro‘yxatdan o‘tish imkoniyati mavjud.
