“YОSh GVARDIYACHILAR” TOSHKENT SHAHAR BOSQICHI
Hozirgi kunda o‘quvchilarining bilim, ko‘nikma va malaka saviyasini mustahkamlash hamda harbiy sportga qiziqishini yana-da oshirish maqsadida turli maʼnaviy-maʼrifiy va sport tadbirlari o‘tkazib kelinmoqda.
Jumladan, joriy yilning 29 aprel kuni Milliy gvardiya Toshkent shahri bo‘yicha boshqarmasiga biriktirilgan vatanparvarlikka ixtisoslashtirilgan umumiy o‘rta taʼlim maktablarining o‘quvchilari o‘rtasida “Yosh gvardiyachilar” tanlovi o‘tkazilgani ham buning yaqqol isbotidir. Ushbu musobaqada 4 ta jamoa yugurish estafetasi, arqon tortish, tog‘ balandliklaridan va zaxarlangan hududdan o‘tish hamda qurol-aslaxani noto‘liq qismlarga ajratish va yig‘ish kabi shartlar bo‘yicha o‘zaro kuch sinashdi.
Bu kabi o‘tkazilayotgan musobaqalar o‘quvchilarning intelektual salohiyatini oshirishga, jismoniy va jangovar imkoniyatlarini sinovdan o‘tkazishga xizmat qiladi.
