YОSHLAR FESTIVALI “KO‘PKARI” MUSOBAQALARIGA ULANIB KETDI
Tumanning “Beshbuloq” mahallasidagi bo‘lib o‘tayotgan yoshlar festivali doirasida Uloq ko‘pkari musobaqalari bo‘lib o‘tdi.
Milliy Gvardiya Sirdaryo viloyati bo‘yicha boshqarmasi harbiy xizmatchilari, tuman hokimligi, Yoshlar agentligi tuman bo‘limi tomonidan “Uloq ko‘pkari” musobaqasi va “Chavandozlik” mahorati ko‘rgazmasi tashkil etildi.
Tadbirda tizimda xizmat qilayotgan harbiy xizmatchilar hamda mahalliy yosh chavandozlar ishtirok etishib, “Otlar poygasi”, “Ot ustida kurash” hamda “Uloq-ko‘pkari” musobaqalari bo‘yicha o‘z imkoniyatlarini sinovdan o‘tkazishdi.
Shiddatli va qiziqarli tarzda o‘tgan musobaqa so‘ngida g‘olib va sovrindorlar tashkilotchilar tomonidan diplom va qimmatbaho sovg‘alar bilan taqdirlandi.
