“Zotdor xizmat itlari – 2021” idoralararo ko‘rik-tanlovi g‘olib va sovrindorini taqdirlash marosim o‘tkazildi.
Bugungi kunda tizimda xizmatchi itlarni yetishtirishni rivojlantirish bo‘yicha qator chora-tadbirlar amalga oshirilib,ular bilan iz qidiruv yo‘nalishi, giyohvand vositalar, portlovchi moddalarni qidirib topish, antiterror yo‘nalishlarida muntazam ravishda mashg‘ulotlar o‘tkazilmoqda. Shuningdek harbiy xizmatchilar va xodimlar o‘zlariga biriktirilgan xizmat itlari bilan turli musobaqa va tanlovlarda ham faol ishtirok etib, faxrli o‘rinlarni egallab kelishmoqda.
Kuni kecha mamlakatimizda o‘tkazilgan “Zotdor xizmat itlari – 2021” idoralararo ko‘rik-tanlovi va “O‘zbekiston kubogi – 2021” xalqaro ko‘rgazmalarida g‘olib va sovrindor bo‘lgan kinologiya xizmati mutaxassislarini taqdirlash uchun tantanali marosim o‘tkazildi.
Tadbir davomida xizmat itlari bilan xizmatni olib borish jarayonlari ko‘rgazmali tarzda namoyish etildi. Yutuqqa erishgan kinologlar Milliy gvardiya qo‘mondonligi tomonidan munosib rag‘batlantirildi.
