Milliy gvardiya Harbiy musiqa akademik litseyi o‘quvchilarining 1 iyun - Xalqaro bolalar kuniga bag‘ishlangan hisobot konserti
Bugungi kunda yoshlarga yaratib berilayotgan imkoniyatlar, qulay shart-sharoitlar o‘zining ijobiy samarasini bermoqda desak mubolag‘a bo‘lmaydi. Aynan Milliy gvardiya Harbiy musiqa akademik litseyi o‘quvchilarining bu galgi hisobot konsert dasturi ham fikrimizning yorqin isbotidir.
Milliy gvardiya Maʼnaviyat va maʼrifat markazida 1iyun - Xalqaro bolalar kuniga bag‘ishlangan hisobot konsertida Milliy gvardiya qo‘mondoni general-mayor R.Djurayev, Harbiy prokuror o‘rinbosari Q.Isroilov, Toshkent Temurbeklar maktabi o‘quvchilari, uyushmagan yoshlar, Mehribonlik uylarining tarbiyalanuvchilari, litsey o‘quvchi yoshlarning ota-onalari hamda ustozlari ishtirok etdi.
Hisobot dasturida litseyning barcha o‘quvchilari o‘zlarining ijod namunalari bilan qatnashdi.
Markaz binosiga kirish qismida 40 nafar 9-sinf o‘quvchilaridan shakllantirilgan orkestr tomonidan ijro etilgan yoqimli musiqa sadolari hamda saksofonning mayin ovozi tadbir mehmonlarini ilk daqiqalardan o‘ziga mahliyo etdi.
Tadbirni akademik litseyning 5-6 sinf o‘quvchilaridan tashkil topgan Xor jamoasi ochib beradi. Ular Anvar Obidjon sheʼri, Avaz Mansurov musiqasi “Kim epchilu kim chaqqon” hamda Iskandar Raxmon sheʼri, Nadim Norxo‘jayev musiqasi “Biz askarmiz” qo‘shiqlarini ijro etishdi.
Shu bilan birga, sanʼat shaydolari uchun ijro etilgan kuy-qo‘shiqlar konsert so‘ngigacha muxlislar diqqat markazida bo‘ldi.
