Миллий гвардия Ҳарбий мусиқа академик лицейи ўқувчиларининг 1 июнь - Халқаро болалар кунига бағишланган ҳисобот концерти
Бугунги кунда ёшларга яратиб берилаётган имкониятлар, қулай шарт-шароитлар ўзининг ижобий самарасини бермоқда десак муболаға бўлмайди. Айнан Миллий гвардия Ҳарбий мусиқа академик лицейи ўқувчиларининг бу галги ҳисобот концерт дастури ҳам фикримизнинг ёрқин исботидир.
Миллий гвардия Маънавият ва маърифат марказида 1июнь - Халқаро болалар кунига бағишланган ҳисобот концертида Миллий гвардия қўмондони генерал-майор Р.Джураев, Ҳарбий прокурор ўринбосари Қ.Исроилов, Тошкент Темурбеклар мактаби ўқувчилари, уюшмаган ёшлар, Меҳрибонлик уйларининг тарбияланувчилари, лицей ўқувчи ёшларнинг ота-оналари ҳамда устозлари иштирок этди.
Ҳисобот дастурида лицейнинг барча ўқувчилари ўзларининг ижод намуналари билан қатнашди.
Марказ биносига кириш қисмида 40 нафар 9-синф ўқувчиларидан шакллантирилган оркестр томонидан ижро этилган ёқимли мусиқа садолари ҳамда саксофоннинг майин овози тадбир меҳмонларини илк дақиқалардан ўзига маҳлиё этди.
Тадбирни академик лицейнинг 5-6 синф ўқувчиларидан ташкил топган Хор жамоаси очиб беради. Улар Анвар Обиджон шеъри, Аваз Мансуров мусиқаси “Ким эпчилу ким чаққон” ҳамда Искандар Рахмон шеъри, Надим Норхўжаев мусиқаси “Биз аскармиз” қўшиқларини ижро этишди.
Шу билан бирга, санъат шайдолари учун ижро этилган куй-қўшиқлар концерт сўнгигача мухлислар диққат марказида бўлди.
