MUDDATLI HARBIY XIZMATCHILAR BILAN TELEMULOQOT
Harbiy vatanparvarlik oyligi doirasida harbiy xizmatchilarga yana-da ko‘tarinki kayfiyat bag‘ishlash maqsadida Milliy gvardiya bo‘linmalarida muddatli harbiy xizmatni o‘tayotgan harbiy xizmatchilar va ularning ota-onalari bilan onlayn muloqot tashkil etilmoqda.
Xususan, kuni kecha Milliy gvardiya Xorazm viloyati bo‘yicha boshqarmasi tashabbusi bilan mahalliy hokimiyat vakillari hamkorligida viloyatda muddatli harbiy xizmat o‘tayotgan askarlarimizga yaqinlari bilan telemuloqot tashkillashtirildi. Telemuloqotda o‘zining naʼmunali hulqi va burchga sadoqati bilan boshqalarga o‘rnak bo‘lib kelayotgan muddatli harbiy xizmatchilar ishtirok etdilar. Muloqot ko‘tarinki ruhda bo‘lib o‘tdi.
Yigitlik burchini ado etib, uyidan uzoqda xizmat qilayotgan muddatli harbiy xizmatchilarning ota-onalari ushbu uchrashuvdan behad shodlandilar, kelayotgan Vatan himoyachilari kuni bilan farzandlarini qutlab, dilbandlari diydoriga to‘ydilar.
Farzandlarini ko‘rib ko‘zlari quvonch yoshlariga to‘lgan ota-onalar ularning sadoqatli xizmatlari uchun tashakkurnomalar bilan taqdirlanganligi hamda yurtimizda yaratilayotgan shart-sharoitlardan minnatdor bo‘ldilar.
