Yoshlar bilan “Davlatimiz ramzlari ezgu qadriyatlar timsoli” mavzusida davra suhbati o‘tkazildi
Davlat ramzlari bizni yurtimiz tinchligi, vatanimiz ravnaqi yo‘lida birlashtirib, mamlakatimiz mustaqilligini hamisha ko‘z qorachig‘iday asrashga, buyuk ajdodlarga munosib voris bo‘lishga, yuksak ishonch va qatʼiyat bilan kelajakka qadam tashlashga daʼvat etib turibdi. Davlat ramzlari – bayroq, gerb, madhiyamizda buyuk o‘tmish va yuksak madaniyatga ega bo‘lgan xalqimizning shon-sharafi, g‘ururi, or-nomusi, tarixiy xotirasi va kelajak sari intilishlari mujassamdir. Mana shu ramzlarni eʼzozlash orqali biz o‘z qadr-qimmatini, o‘z mamlakatimiz istiqboli, demakki, o‘zimizga bo‘lgan ishonchimizni mustahkamlaymiz.
Bu yangi O‘zbekistonni bunyod etishga sidqdildan intilayotgan mardona xalqimiz bayrami, bu-o‘z ilmi, kasb kori, fidoyiligi bilan buyuk ajdodlarga mos ravishda qadam tashlashga intilayotgan Vatanning o‘ktam yoshlari bayrami. Bu - bir butun Vatanga aylangan O‘zbekistonliklar bayrami!
Bu yil O‘zbekiston Respublikasi Davlat gerbi qabul qilinganligiga 32 yil to‘ldi. Shu boisdan respublikamiz bo‘ylab mazkur sanaga bag‘ishlab turli madaniy-maʼrifiy tadbirlar o‘tkazilmoqda.
Xususan, Bugun 2-iyul kuni O‘zbekiston Respublikasi Davlat gerbi qabul qilinganligi munosabati bilan O‘zbekiston Yoshlar ittifoqi Markaziy kengashi binosida madaniy-maʼrifiy tadbir bo‘lib o‘tdi. Mazkur tadbirga O‘zbekiston Respublikasi Oliy majlis Senati vakili va O‘zbekistonda xizmat ko‘rsatgan madaniyat xodimi do‘stlik mehnati shuxrati ordenlari sohibasi - shoira Zulfiya Mo‘minovalar tashrif buyurishdi.
So‘zga chiqqan ustoz ijodkorlar yoshlarga ulug‘ ajdodlarimizga munosib bo‘lishi, vatanparvar insonlar bo‘lib kamol topishi, mamlakatimizda gerbimizga har bir yurtdoshimiz alohida ehtirom bilan munosabatda bo‘lishi ezgu qadriyatga aylanganligini, O‘zbekiston xalqlarining shon-sharafi, g‘ururi, tarixiy xotirasi va intilishlarini o‘zida mujassamlashtirgan gerbimiz ona Vatanimizning betakror timsoli va uni eʼzozlash kerakligini, o‘z mamlakatining qadr-qimmatini bilgan har bir insonning muqaddas burchi ekanligini, davlatimiz gerbining ahamiyati va undagi timsollar to‘g‘risidagi tushunchalarni chuqur singdirishdi. Qolaversa, yoshlarga men jannatmakon yurt fuqarosiman, bag‘rikeng xalqning munosib farzandiman deb bilgan har bir inson gerbimizni, ona-vatanimiz kabi aziz va muqaddas deb eʼzozlashlari haqida taʼkidlab o‘tishdi.
