Mana oradan besh asrdan ortiq vaqt o‘tibdiki ulug‘ mutafakkir bobolarimiz, so‘z mulkining sultoni Alisher Navoiy hamda shoh va shoir Zahiriddin Muhammad Boburning boy maʼnaviy merosi butun dunyoni hayratga solib, insonlar qalbiga, ongu shuuriga ezgulik, insonparvarlik, saxovat va mehr-muruvvat nurini taratib kelmoqda. Shu kunlarda yurtimizda Alisher Navoiy tavalludining 583 hamda Zahiriddin Muhammad Bobur tavalludining 541 yilligi keng nishonlanmoqda.

Milliy gvardiya harbiy musiqa akademik litseyida ikki buyuk mutafakkir g‘azal mulkining sultoni Mir Alisher Navoiy bobomizning 583 yilligi va ruboiy navis, shoh va shoir Zahiriddin Muhammad Bobur tavalludining 541 yilligi munosabati bilan uch avlod uchrashuvi bo‘lib o‘tdi. Unda litsey o‘quvchilari, Milliy gvardiya faxriylar kengashi aʼzolari, o‘qituvchilar ishtirok etishdi. Dastlab uch avlod vakillari taʼlim massasida o‘quvchilar uchun yaratilgan sharoitlar bilan tanishdi. Sport zal, o‘quv xonalarida bo‘lishib, yoshlar bilan suhbat qurishdi. Faxriylar yoshlarga o‘zlarining hayotiy boy tajribalardan so‘zlab berishdi. Shuningdek, sana munosabati bilan Navoiy va Bobur bobolarimizning ijodlari to‘g‘risida savol-javoblar o‘tkazishdi. Tadbir o‘qchilar tomonidan tayyorlangan badiiy qismga bog‘lanib ketdi. Ular yod olgan g‘azal va ruboiylarini aytib berishib, sahna ko‘rinishlari va musiqiy chiqishlarini yig‘ilganlarga havola etishdi.