Milliy gvardiya qoʻmondoni general-mayor R.Djurayev raisligida  2024 yil davomida tizimda amalga oshirilgan ishlar, erishilgan natijalar va 2025 yilda bajarilishi lozim boʻlgan ustuvor vazifalarga bagʻishlangan Hayʼat yigʻilishi boʻlib oʻtdi. 

Video-selektor tarzida oʻtkazilgan mazkur yigʻilishda Milliy gvardiya qoʻmondonligi, tizimdagi tarkibiy va hududiy boshqarma, boʻlim, xizmat boshliqlari, taʼlim muassasa rahbarlari hamda sohaga oid mutasaddilar ishtirok etishdi.

Tadbirning kirish qismida Milliy gvardiya qoʻmondoni tomonidan Davlatimiz rahbarining, Oʻzbekiston Respublikasi Qurolli Kuchlari tashkil etilganligining 33 yilligi va Vatan himoyachilari kuni munosabati bilan yoʻllagan bayram tabrigida, Qurolli Kuchlarimizning jangovar salohiyati hamda harbiy xizmatchilarimizning jismoniy va maʼnaviy shayligini oshirish, shuningdek harbiy intizomni mustahkamlash borasida belgilab bergan vazifalariga alohida toʻxtalib oʻtdi.

Shundan soʻng, Milliy gvardiya tizimida 2024 yil mobaynida amalga oshirilgan ishlar, tanqidiy va tahliliy koʻrib chiqilib, yoʻl qoʻyilgan kamchiliklar muhokama qilindi va mazkur masalalar yuzasidan qoʻmondon oʻrinbosarlari hamda mutasaddi rahbarlarning hisobotlari tinglandi.

 Milliy gvardiya qoʻmondoni tadbir soʻngida, hududiy boshqarmalar va taʼlim muassasa rahbarlarining kun tartibida koʻrib chiqilgan masalalar yuzasidan taklif va mulohazalarini tingladi. Shundan kelib kelib, harbiy xizmatchi va xodimlarning shaxsiy masʼuliyatini oshirish borasida qatʼiy tartib intizom va tanqidiy tahlil olib borishni kundalik meʼyorga aylantirish yuzasidan aniq vazifalar belgilab berildi.

 Shuningdek, joriy yilda tizim oldida turgan muhim ustuvor vazifalarni amalga oshirish yuzasidan kompleks chora-tadbirlar ishlab chiqilishi va bajarilishini qatʼiy nazoratga olish boʻyicha tegishliligi boʻyicha topshiriqlar berdi.