Миллий гвардия қўмондони генерал-майор Р.Джураев раислигида  2024 йил давомида тизимда амалга оширилган ишлар, эришилган натижалар ва 2025 йилда бажарилиши лозим бўлган устувор вазифаларга бағишланган Ҳайъат йиғилиши бўлиб ўтди. 

Видео-селектор тарзида ўтказилган мазкур йиғилишда Миллий гвардия қўмондонлиги, тизимдаги таркибий ва ҳудудий бошқарма, бўлим, хизмат бошлиқлари, таълим муассаса раҳбарлари ҳамда соҳага оид мутасаддилар иштирок этишди.

Тадбирнинг кириш қисмида Миллий гвардия қўмондони томонидан Давлатимиз раҳбарининг, Ўзбекистон Республикаси Қуролли Кучлари ташкил этилганлигининг 33 йиллиги ва Ватан ҳимоячилари куни муносабати билан йўллаган байрам табригида, Қуролли Кучларимизнинг жанговар салоҳияти ҳамда ҳарбий хизматчиларимизнинг жисмоний ва маънавий шайлигини ошириш, шунингдек ҳарбий интизомни мустаҳкамлаш борасида белгилаб берган вазифаларига алоҳида тўхталиб ўтди.

Шундан сўнг, Миллий гвардия тизимида 2024 йил мобайнида амалга оширилган ишлар, танқидий ва таҳлилий кўриб чиқилиб, йўл қўйилган камчиликлар муҳокама қилинди ва мазкур масалалар юзасидан қўмондон ўринбосарлари ҳамда мутасадди раҳбарларнинг ҳисоботлари тингланди.

 Миллий гвардия қўмондони тадбир сўнгида, ҳудудий бошқармалар ва таълим муассаса раҳбарларининг кун тартибида кўриб чиқилган масалалар юзасидан таклиф ва мулоҳазаларини тинглади. Шундан келиб келиб, ҳарбий хизматчи ва ходимларнинг шахсий масъулиятини ошириш борасида қатъий тартиб интизом ва танқидий таҳлил олиб боришни кундалик меъёрга айлантириш юзасидан аниқ вазифалар белгилаб берилди.

 Шунингдек, жорий йилда тизим олдида турган муҳим устувор вазифаларни амалга ошириш юзасидан комплекс чора-тадбирлар ишлаб чиқилиши ва бажарилишини қатъий назоратга олиш бўйича тегишлилиги бўйича топшириқлар берди.