Mazkur  konferensiyada Oʻzbekiston Respublikasi huquqni muhofaza qilish akademiyasi, Oʻzbekiston xalqaro islom akademiyasi Din psixologiyasi va pedagogika kafedrasi, IIV Akademiyasi Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi, Oʻzbekiston psixologlar assotsiatsiyasi, Oʻzbekiston Respublikasi Prezidenti huzuridagi Davlat boshqaruvi akademiyasi, shuningdek, Milliy gvardiyaning malakali psixologlari oʻz maʼruzalari bilan ishtirok etdi.

Bundan tashqari, konferensiyaga mustahkam va bardavom hamkorlikni yoʻlga qo’yish maqsadida Oʻzbekiston Respublikasi Prezidenti Davlat xavfsizlik xizmati, Mudofaa vazirligi, Favqulodda vaziyatlar vazirligi, Milliy gvardiya qoʻmondonligi, Huquqni muhofaza qilish akademiyasi, Davlat xavfsizlik xizmati, Davlat xavfsizlik xizmati chegara qoʻshinlari qoʻmondonligi, Oliy taʼlim, fan va innovatsiyalar vazirligi, Psixologlar assotsiatsiyasi vakillari tashrif buyurishdi.

Konferensiyada huquqni muhofaza qilish tizimida kadrlarni va kadrlar zaxirasini tayyorlashda zamonaviy amaliyotdan foydalanish imkoniyatlari, Ichki ishlar organlari tizimida psixofiziologik tekshiruvlarni amalga oshirish mexanizmi, huquqni muhofaza qiluvchi organ xodimlarining oilaviy nizolarini bartaraf etishda olib boriladigan psixodiagnostik suhbat usullari, huquqni muhofaza qiluvchi organlar faoliyatida profayling usulini joriy etish masalalari mavzularida maʼruzalar qilindi.

Shuningdek, tadbir davomida Ichki ishlar vazirligi va Mudofaa vazirligi oʻrtasida, Milliy gvardiya va Ichki ishlar vazirligi oʻrtasida oʻzaro hamkorlik memorandumlari imzolandi.

Yakunda Ichki ishlar vazirining farmoyishiga asosan oʻtkazilgan “Eng yaxshi psixolog” koʻrik tanlovining respublika bosqichida faxrli oʻrinlarni egallagan xodimlar, shuningdek, bir guruh psixolog xodimlar va konferensiya ishtirokchilarini idoraviy mukofotlar bilan taqdirlash marosimi oʻtkazildi.