Мазкур  конференцияда Ўзбекистон Республикаси ҳуқуқни муҳофаза қилиш академияси, Ўзбекистон халқаро ислом академияси Дин психологияси ва педагогика кафедраси, ИИВ Академияси Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси, Ўзбекистон психологлар ассоциацияси, Ўзбекистон Республикаси Президенти ҳузуридаги Давлат бошқаруви академияси, шунингдек, Миллий гвардиянинг малакали психологлари ўз маърузалари билан иштирок этди.

Бундан ташқари, конференцияга мустаҳкам ва бардавом ҳамкорликни йўлга қўйиш мақсадида Ўзбекистон Республикаси Президенти Давлат хавфсизлик хизмати, Мудофаа вазирлиги, Фавқулодда вазиятлар вазирлиги, Миллий гвардия қўмондонлиги, Ҳуқуқни муҳофаза қилиш академияси, Давлат хавфсизлик хизмати, Давлат хавфсизлик хизмати чегара қўшинлари қўмондонлиги, Олий таълим, фан ва инновациялар вазирлиги, Психологлар ассоциацияси вакиллари ташриф буюришди.

Конференцияда ҳуқуқни муҳофаза қилиш тизимида кадрларни ва кадрлар захирасини тайёрлашда замонавий амалиётдан фойдаланиш имкониятлари, Ички ишлар органлари тизимида психофизиологик текширувларни амалга ошириш механизми, ҳуқуқни муҳофаза қилувчи орган ходимларининг оилавий низоларини бартараф этишда олиб бориладиган психодиагностик суҳбат усуллари, ҳуқуқни муҳофаза қилувчи органлар фаолиятида профайлинг усулини жорий этиш масалалари мавзуларида маърузалар қилинди.

Шунингдек, тадбир давомида Ички ишлар вазирлиги ва Мудофаа вазирлиги ўртасида, Миллий гвардия ва Ички ишлар вазирлиги ўртасида ўзаро ҳамкорлик меморандумлари имзоланди.

Якунда Ички ишлар вазирининг фармойишига асосан ўтказилган “Энг яхши психолог” кўрик танловининг республика босқичида фахрли ўринларни эгаллаган ходимлар, шунингдек, бир гуруҳ психолог ходимлар ва конференция иштирокчиларини идоравий мукофотлар билан тақдирлаш маросими ўтказилди.