9 dekabr - Xalqaro korrupsiyaga qarshi kurash kuni
BMT tashabbusi bilan xalqaro korrupsiyaga qarshi kurash kuni har yili 9 dekabr sanasida nishonlanadi.
2003 yil 31 oktyabrda BMT Bosh Assambleyasi tomonidan Birlashgan Millatlar Tashkilotining korrupsiyaga qarshi Konvensiyasi qabul qilingan. Shuningdek, korrupsiya muammosi va korrupsiyaning oldini olish va unga qarshi kurashdagi Konvensiyaning rolini chuqur anglash uchun 9 dekabrni Xalqaro korrupsiyaga qarshi kurash kuni deb belgilash toʻgʻrisida qaror qabul qilingan. KONVENSIYA 2005 yil dekabr oyida kuchga kirgan.
2003 yilning 9 dekabr sanasida Meksikaning Merida shahrida boʻlib oʻtgan yuqori darajadagi siyosiy konferensiyada BMT ning korrupsiyaga qarshi Konvensiyasi imzolanish uchun ochildi.
Ushbu hujjatni imzolagan davlatlarda pora olish, byudjet mablagʻlarini oʻzlashtirish va korrupsion daromadlarni legallashtirish jinoyat deb eʼlon qilishi majburiy hisoblanadi.
2003 yilgi KONVENSIYA bu turdagi ilk hujjat hisoblanadi. Bu, ayniqsa, barcha tuzilmalarning korrupsion darajasi milliy farovonlikka zarar yetkazadigan mamlakatlar uchun juda muhimdir.
