9 декабр - Халқаро коррупцияга қарши кураш куни
БМТ ташаббуси билан халқаро коррупцияга қарши кураш куни ҳар йили 9 декабрь санасида нишонланади.
2003 йил 31 октябрда БМТ Бош Ассамблеяси томонидан Бирлашган Миллатлар Ташкилотининг коррупцияга қарши Конвенцияси қабул қилинган. Шунингдек, коррупция муаммоси ва коррупциянинг олдини олиш ва унга қарши курашдаги Конвенциянинг ролини чуқур англаш учун 9 декабрни Халқаро коррупцияга қарши кураш куни деб белгилаш тўғрисида қарор қабул қилинган. Конвенция 2005 йил декабр ойида кучга кирган.
2003 йилнинг 9 декабр санасида Мексиканинг Мерида шаҳрида бўлиб ўтган юқори даражадаги сиёсий конференцияда БМТ нинг коррупцияга қарши Конвенцияси имзоланиш учун очилди.
Ушбу ҳужжатни имзолаган давлатларда пора олиш, бюджет маблағларини ўзлаштириш ва коррупцион даромадларни легаллаштириш жиноят деб эълон қилиши мажбурий ҳисобланади.
2003 йилги Конвенция бу турдаги илк ҳужжат ҳисобланади. Бу, айниқса, барча тузилмаларнинг коррупцион даражаси миллий фаровонликка зарар етказадиган мамлакатлар учун жуда муҳимдир.
