9 may-Xotira va qadrlash kuni munosabati bilan ikkinchi jahon urushi qatnashchilari hamda mehnat faxriylari holidan xabar olindi
Milliy gvardiya qo‘mondoni general-mayor R.Djurayev mutasaddi rahbarlar bilan birgalikda poytaxtimizning Sirg‘ali va Uchtepa tumanlarida istiqomat qiluvchi faxriylar bilan uchrashib, bayram munosabati bilan yo‘llangan Prezident tabrigini o‘qib eshittirdilar.
Xotira va qadrlash kuni bayrami arafasida Ikkinchi jahon urushi qatnashchilari hamda mehnat faxriylari bo‘lgan poytaxtimizning Uchtepa tumanida yashovchi 82 yoshli Burikin Anatoliy Ivanovich, Sirg‘ali tumanida istiqomat qilib kelayotgan 83 yoshli Askarov Ravil Nazarovich, 84 yoshli Malseva Svetlana Petrovna va 85 yoshli Ananeva Nina Antonovnalarning holidan xabar olish uchun Milliy gvardiya qo‘mondoni R. Djurayev, Sirg‘ali tuman hokimi E.Shukurov, Uchtepa tumani hokimi F.Abdullayev Qurolli Kuchlar faxriylari, mutasaddi rahbarlar hamda jamoatchilik vakillari bilan birgalikda ularning xonadonlariga tashrif buyurishdi.
Faxriylar, mahalla aholisi ayniqsa yoshlar ishtirokidagi tadbirda, bayram munosabati bilan yo‘llangan Prezident tabrigi o‘qib eshittirilib, samimiyatga yog‘rilgan bu so‘zlarga hamohang ravishda 18 million so‘mdan bir martalik pul mukofoti va esdalik sovg‘alari tantanali ravishda topshirildi.
Davlatimiz rahbariga o‘zlarining minnatdorchiligini bildirgan faxriylarimiz, suhbat davomida urush xotiralari hamda osoyishtalikning qadri haqida so‘z yuritib, mamlakatimizda hukm surayotgan bebaho tinchlik va ulkan taraqqiyotga ko‘z tegmasin deya samimiy tilaklar bilan duoga qo‘l ochdilar.
Dildan kechgan suhbat davomida urush qatnashchilari Davlatimiz rahbariga o‘zlarining minnatdorchiligini bildirgan holda, urush xotiralari hamda osoyishtalikning qadri haqida so‘z yuritdilar.
Tashrif jarayonlari to‘g‘risda fotoreportajlar orqali tanishishingiz mumkin!
