9 май-Хотира ва қадрлаш куни муносабати билан иккинчи жаҳон уруши қатнашчилари ҳамда меҳнат фахрийлари ҳолидан хабар олинди
Миллий гвардия қўмондони генерал-майор Р.Джураев мутасадди раҳбарлар билан биргаликда пойтахтимизнинг Сирғали ва Учтепа туманларида истиқомат қилувчи фахрийлар билан учрашиб, байрам муносабати билан йўлланган Президент табригини ўқиб эшиттирдилар.
Хотира ва қадрлаш куни байрами арафасида Иккинчи жаҳон уруши қатнашчилари ҳамда меҳнат фахрийлари бўлган пойтахтимизнинг Учтепа туманида яшовчи 82 ёшли Бурыкин Анатолий Иванович, Сирғали туманида истиқомат қилиб келаётган 83 ёшли Аскаров Равиль Назарович, 84 ёшли Мальцева Светлана Петровна ва 85 ёшли Ананева Нина Антоновналарнинг ҳолидан хабар олиш учун Миллий гвардия қўмондони Р. Джураев, Сирғали туман ҳокими Э.Шукуров, Учтепа тумани ҳокими Ф.Абдуллаев Қуролли Кучлар фахрийлари, мутасадди раҳбарлар ҳамда жамоатчилик вакиллари билан биргаликда уларнинг хонадонларига ташриф буюришди.
Фахрийлар, маҳалла аҳолиси айниқса ёшлар иштирокидаги тадбирда, байрам муносабати билан йўлланган Президент табриги ўқиб эшиттирилиб, самимиятга ёғрилган бу сўзларга ҳамоҳанг равишда 18 миллион сўмдан бир марталик пул мукофоти ва эсдалик совғалари тантанали равишда топширилди.
Давлатимиз раҳбарига ўзларининг миннатдорчилигини билдирган фахрийларимиз, суҳбат давомида уруш хотиралари ҳамда осойишталикнинг қадри ҳақида сўз юритиб, мамлакатимизда ҳукм сураётган бебаҳо тинчлик ва улкан тараққиётга кўз тегмасин дея самимий тилаклар билан дуога қўл очдилар.
Дилдан кечган суҳбат давомида уруш қатнашчилари Давлатимиз раҳбарига ўзларининг миннатдорчилигини билдирган ҳолда, уруш хотиралари ҳамда осойишталикнинг қадри ҳақида сўз юритдилар.
Ташриф жараёнлари тўғрисда фоторепортажлар орқали танишишингиз мумкин!
