Respublikamiz bo‘ylab Milliy gvardiyaning mas’ul xodimlari tomonidan hududiy bo‘linmalarda xizmat qilayotgan tizim xodimlarining yaqinlari bilan uchrashilgan holda turmush tarzi o‘rganilmoqda
-Milliy gvardiya Farg‘ona viloyati bo‘yicha boshqarmasi mutasaddilari hamda harbiy xizmatchilar va ularning oila a’zolari bilan ishlash guruhi hamda tibbiyot xizmati bo‘limi tomonidan harbiy xizmatchilar oilasi bilan yaqindan tanishildi. Oilalarning ijtimoiy- iqtisodiy holati o‘rganildi. Ular bilan bugungi kunda ommalashgan tavakkalchilikka asoslangan o‘yinlar ( 1 xvet, “Mostbet” va shu kabi onlayn qimor o‘yinlari) dan yiroq bo‘lishlari yuzasidan profilaktik suhbatlar olib borildi. Farzandlarining ta’lim olishi uchun maktab va maktabgacha ta’lim muassasasi masalasida muammolar bo‘lsa amaliy yordam berilishi yuzasidan tushingchalar berildi. Harbiy xizmatchilar ijtimoiy himoyasini va oila a’zolarining salomatligini mustahkamlash maqsadida tibbiyot xodimasi tomonidan maslahat va tavsiyalar berildi. Chuqurlashtirilgan, bepul tibbiy ko‘riklar haqida ma’lumotlar berildi. Shuningdek, Qo‘qon mintaqasi hududida xizmat faoliyatini olib borayotgan Voyaga yetmaganlar bilan ishlash bo‘yicha inspektor-psixologlarining oilaviy yashash sharoitlari va oiladagi ijtimoiy-ruhiy muhit o‘rganildi.Mavjud muammolarning yechimi yuzasidan aniq chora-tadbirlar belgilandi
-Harbiy xizmatchi va xodimlarning ijtimoiy himoyasini yanada kuchaytirish maqsadida hukumatning bir qator qonun va qarorlari qabul qilingan. Shuningdek, Milliy Gvardiya qo‘mondonligi tomonidan ham keng ko‘lamli islohotlar amalga oshirilmoqda. Xususan, Milliy gvardiya Andijon viloyati bo‘yicha boshqarmasi mas’ullari tizim harbiy xizmatchi va xodimlarining turmush o‘rtoqlarini egallagan mutaxassisligi bo‘yicha bandligini ta’minlash yoki kasb-hunarga o‘qitish, o‘rta ta’lim maktablardagi mavjud bo‘sh joylari alohida o‘rganilib, joylashtirish choralari belgilandi. Shuningdek, oilalarning Andijon shahrida joylashgan Monomarkazga tashrifi tashkil etildi va ikki nafar oila a’zolari chevarchalik va zamonaviy pardalar yo‘nalishi bo‘yicha ro‘yxatga olindi.
-Milliy gvardiya Jizzax viloyati bo‘yicha boshqarmasi Shaxsiy xavfsizlik bo‘limi, Tibbiyot bo‘limi, psixolog hamda harbiy xizmatchilar va ularning oila a’zolari bilan ishlash guruhi tomonidan tushuntirish ishlari olib borildi. Harbiy xizmatchi va xodimlarning oila a’zolarini ijtimoiy-huquqiy himoyasini ta’minlash, oilaviy munosabatlarini mustahkamlash, tavakkalchilikka asoslangan katalizator o‘yinlarini o‘ynamaslik, harbiy xizmatchilarning ruhiyatida salbiy holatlar sodir bo‘lganda darhol xabar berish kerakligi bo‘yicha tavsiyalar berildi. Shuningdek, sog‘lig‘ida shifokor ko‘rigiga muhtoj bo‘lgan oilalarga Tibbiyot bo‘lim boshlig‘i tomonidan yordam ko‘rsatildi va birlamchi dori-darmonlar berildi.
-Milliy gvardiya Namangan viloyati bo‘yicha boshqarmasi mas’ul vakillari tomonidan harbiy xizmatchi va xodimlarning oila a’zolarini ijtimoiy-huquqiy himoyasini ta’minlash, oilaviy munosabatlarini mustahkamlash, tavakkalchilikka asoslangan o‘yinlarni o‘ynamaslik, maqsadsiz kredit olmaslik va boshqa salbiy holatlarni oldini olish bo‘yicha tushuncha, tavsiyalar berildi.
