“AYOLLAR DAFTARI”GA KIRITILGAN XOTIN-QIZLAR ISH BILAN TAʼMINLANMOQDA
Milliy gvardiya Buxoro viloyati bo‘yicha boshqarmasi Xotin-qizlar jamoatchilik kengashi aʼzolari tomonidan biriktirilgan mahallalar bo‘ylab "Xonadonbay" tamoyili asosida uyma-uy yurib, "Ayollar daftari"ga kiritilgan xotin-qizlarning muammolari o‘rganilmoqda.
O‘rganishlar jarayonida, hukumatimiz tomonidan bugungi kunda xotin-qizlarga berilayotgan imtiyozlar, ularning jamiyat hayotidagi faol ishtirokini taʼminlash, ular o‘rtasida sog‘lom turmush tarzini targ‘ib qilish, shuningdek, tadbirkorlik faoliyatini boshlamoqchi bo‘lgan yoki faoliyat turini kengaytirmoqchi bo‘lganlar uchun imtiyozli kreditlar ajratish tartibi tushuntirilmoqda.
Taʼkidlash joizki, ushbu uchrashuvlar orqali yil boshidan bugungi kunga qadar Buxoro shahridagi "Ayollar daftari"ga kiritilgan 17 nafar xotin-qizlar ish bilan taʼminlangan bo‘lsa, 8 nafariga imtiyozli kredit olishga ko‘maklashildi, shuningdek, 50 dan ziyod yolg‘iz ayollarga saxovat va ko‘mak tadbirlari orqali xo‘jalik jihozlari va oziq-ovqat mahsulotlari bilan taʼminlanib kelinmoqda.
