“АЁЛЛАР ДАФТАРИ”ГА КИРИТИЛГАН ХОТИН-ҚИЗЛАР ИШ БИЛАН ТАЪМИНЛАНМОҚДА
Миллий гвардия Бухоро вилояти бўйича бошқармаси Хотин-қизлар жамоатчилик кенгаши аъзолари томонидан бириктирилган маҳаллалар бўйлаб "Хонадонбай" тамойили асосида уйма-уй юриб, "Аёллар дафтари"га киритилган хотин-қизларнинг муаммолари ўрганилмоқда.
Ўрганишлар жараёнида, ҳукуматимиз томонидан бугунги кунда хотин-қизларга берилаётган имтиёзлар, уларнинг жамият ҳаётидаги фаол иштирокини таъминлаш, улар ўртасида соғлом турмуш тарзини тарғиб қилиш, шунингдек, тадбиркорлик фаолиятини бошламоқчи бўлган ёки фаолият турини кенгайтирмоқчи бўлганлар учун имтиёзли кредитлар ажратиш тартиби тушунтирилмоқда.
Таъкидлаш жоизки, ушбу учрашувлар орқали йил бошидан бугунги кунга қадар Бухоро шаҳридаги "Аёллар дафтари"га киритилган 17 нафар хотин-қизлар иш билан таъминланган бўлса, 8 нафарига имтиёзли кредит олишга кўмаклашилди, шунингдек, 50 дан зиёд ёлғиз аёлларга саховат ва кўмак тадбирлари орқали хўжалик жиҳозлари ва озиқ-овқат маҳсулотлари билан таъминланиб келинмоқда.
