Joylarda jinoyat va huquqbuzarliklarning barvaqt oldini olish, obod va xavfsiz hududga aylantirish, fuqarolar osoyishtaligi va xotirjamligini taʼminlash, farovon turmush tarzini shakllantirish maqsadida Milliy gvardiya “Qo‘riqlash” bosh boshqarmasi va uning hududiy bo‘linmalari tomonidan tizimli choralar amalga oshirilib, sohada amaliyotga keng tadbiq etish uchun bir qator qulayliklar, tizimning yangicha yondashuvlari tashkil etildi.
Respublikamizning shahar-tuman markazlarida fuqarolar ishtirokida o‘tkazilgan targ‘ibot tadbirlarda aynan shu haqida so‘z yuritildi. Uy va xonadon, obyektlarda o‘rnatiladigan zamonaviy qo‘riqlov signalizatsiya vositalarining afzalliklari, tadbirkorlarga va fuqarolarga qulaylik tomonlari to‘g‘risida atroflicha maʼlumotlar berib o‘tildi.
Tadbirlarda mahallalarni jinoyatdan holi hududlarga aylantirish, har bir ko‘cha, ko‘p qavatli uylar, xizmat ko‘rsatish va savdo shahobchalarini zamonaviy kuzatuv kameralari, qo‘riqlash uskunalari bilan jihozlash zarurligi qayd etildi. Mazkur yo‘nalishda Milliy gvardiya “Qo‘riqlash” bo‘limlari imkoniyatlaridan foydalanish muhim ahamiyatga ega ekanligi taʼkidlandi. Shundan so‘ng, mol-mulki daxlsizligini o‘ylagan, ushbu xizmatga qiziqish bildirgan fuqarolar va tadbirkorlardan belgilangan tartibda qo‘riqlovga olish yuzasidan arizalari olinib, zarur qo‘riqlov jihozlarini o‘rnatish ishlari olib borildi.
Bu boradagi amaliy ishlar izchillik bilan davom etmoqda.