Аҳолига "Қўриқлаш" хизмати турлари афзалликларини етказиш мақсадида тарғибот тадбирлари ташкил этилмоқда
Жойларда жиноят ва ҳуқуқбузарликларнинг барвақт олдини олиш, обод ва хавфсиз ҳудудга айлантириш, фуқаролар осойишталиги ва хотиржамлигини таъминлаш, фаровон турмуш тарзини шакллантириш мақсадида Миллий гвардия "Қўриқлаш" бош бошқармаси ва унинг ҳудудий бўлинмалари томонидан тизимли чоралар амалга оширилиб, соҳада амалиётга кенг тадбиқ этиш учун бир қатор қулайликлар, тизимнинг янгича ёндашувлари ташкил этилди.
Республикамизнинг шаҳар-туман марказларида фуқаролар иштирокида ўтказилган тарғибот тадбирларда айнан шу ҳақида сўз юритилди. Уй ва хонадон, объектларда ўрнатиладиган замонавий қўриқлов сигнализация воситаларининг афзалликлари, тадбиркорларга ва фуқароларга қулайлик томонлари тўғрисида атрофлича маълумотлар бериб ўтилди.
Тадбирларда маҳаллаларни жиноятдан ҳоли ҳудудларга айлантириш, ҳар бир кўча, кўп қаватли уйлар, хизмат кўрсатиш ва савдо шаҳобчаларини замонавий кузатув камералари, қўриқлаш ускуналари билан жиҳозлаш зарурлиги қайд этилди. Мазкур йўналишда Миллий гвардия "Қўриқлаш" бўлимлари имкониятларидан фойдаланиш муҳим аҳамиятга эга эканлиги таъкидланди. Шундан сўнг, мол-мулки дахлсизлигини ўйлаган, ушбу хизматга қизиқиш билдирган фуқаролар ва тадбиркорлардан белгиланган тартибда қўриқловга олиш юзасидан аризалари олиниб, зарур қўриқлов жиҳозларини ўрнатиш ишлари олиб борилди.
Бу борадаги амалий ишлар изчиллик билан давом этмоқда.
