“ALISHER NAVOIY MEROSI – MILLAT XAZINASI” SHIORI OSTIDA MAʼNAVIY -MAʼRIFIY TADBIR BO‘LIB O‘TDI
9 fevral jahon maʼnaviyatining buyuk siymosi Nizomiddin Mir Alisher Navoiy tavalludining 581 yilligi munosabati bilan Milliy gvardiya Sirdaryo viloyati bo‘yicha boshqarmasi, Qo‘riqlash boshqarmasi va Maʼnaviyat va maʼrifat markazi Sirdaryo viloyati bo‘limi hamda Guliston davlat universiteti bilan hamkorlikda harbiy xizmatchilar hamda Respublika o‘g‘il bolalar o‘quv tarbiya muassasasi tarbiyalanuvchilari ishtirokida tadbir bo‘lib o‘tdi.
Tadbirda so‘z olganlar tomonidan Alisher Navoiyning hayoti va ijodi, faoliyati to‘g‘risida harbiy xizmatchilarga tushunchalar berib o‘tildi.
Tadbirning badiiy qismida Sirdaryo viloyati musiqali Drama teatri aktyorlari, Guliston shahar 2-sonli maktab o‘quvchilari va Respublika o‘g‘il bolalar o‘quv tarbiya muassasasi tarbiyalanuvchilari ijrosida Alisher Navoiyning g‘azallaridan namunalar keltirildi hamda shoir hayoti va ijodi to‘g‘risida sahna ko‘rinishlar namoyish etildi.
