“АЛИШЕР НАВОИЙ МЕРОСИ – МИЛЛАТ ХАЗИНАСИ” ШИОРИ ОСТИДА МАЪНАВИЙ -МАЪРИФИЙ ТАДБИР БЎЛИБ ЎТДИ
9 февраль жаҳон маънавиятининг буюк сиймоси Низомиддин Мир Алишер Навоий таваллудининг 581 йиллиги муносабати билан Миллий гвардия Сирдарё вилояти бўйича бошқармаси, Қўриқлаш бошқармаси ва Маънавият ва маърифат маркази Сирдарё вилояти бўлими ҳамда Гулистон давлат университети билан ҳамкорликда ҳарбий хизматчилар ҳамда Республика ўғил болалар ўқув тарбия муассасаси тарбияланувчилари иштирокида тадбир бўлиб ўтди.
Тадбирда сўз олганлар томонидан Алишер Навоийнинг ҳаёти ва ижоди, фаолияти тўғрисида ҳарбий хизматчиларга тушунчалар бериб ўтилди.
Тадбирнинг бадиий қисмида Сирдарё вилояти мусиқали Драма театри актёрлари, Гулистон шаҳар 2-сонли мактаб ўқувчилари ва Республика ўғил болалар ўқув тарбия муассасаси тарбияланувчилари ижросида Алишер Навоийнинг ғазалларидан намуналар келтирилди ҳамда шоир ҳаёти ва ижоди тўғрисида саҳна кўринишлар намойиш этилди.
