ALVON BERET SOHIBALARI BILAN UCHRASHUV
Mamlakatimizda yoshlarning sport bilan shug‘ullanishlari uchun yaratilayotgan keng ko‘lamli sharoitlar sababli ularning sportga bo‘lgan qiziqishi har doimgidanda yuksak darajaga ko‘tarilmoqda.
Yoshlarimiz qalbida sportga bo‘lgan intiqlikni yana-da mustahkamlash maqsadida yaqinda mamlakatimizda ilk bor Toshkent shahrida bo‘lib o‘tgan "Qo‘l jangi" bo‘yicha Jahon chempionatida g‘oliblikni qo‘lga kiritgan Milliy gvardiyaning Jizzax viloyati bo‘yicha boshqarmasi harbiy xizmatchilari ishtirokida Jizzax shahridagi 29-sonli Mehribonlik uyi tarbiyalanuvchilari bilan uchrashuv tashkil etildi.
Mazkur uchrashuvda sportchi harbiy xizmatchilar musobaqalardagi taassurotlarini yoshlarga so‘zlab beribgina qolmay, raqiblarini qo‘l jangining o‘ziga xos usullari bilan mag‘lub etganliklarini ko‘rsatib berishdi. Bu esa o‘z o‘rnida o‘sib kelayotgan yosh avlodga yana bir bor o‘ziga bo‘lgan ishonch, g‘urur va faxr tuyg‘ularini his qilishga turtki bo‘ldi desak mubolag‘a bo‘lmaydi.
