“АMIR TEMUR VORISLАRI” MUSOBАQАSI QIZGʼIN OʼTDI
Buyuk ajdodimiz Sohibqiron Аmir Temur tavalludining 685 yilligi munosabati bilan Milliy gvardiya Namangan viloyati boʼyicha boshqarmasi hamda Qoʼriqlash xizmati xodimlari tomonidan Namangan viloyati Chortoq tumanidagi 5-sonli Davlat ixtisoslashtirilgan maktab internatida «Аmir Temur vorislari» nomli musobaqa tashkil etildi.
Tadbirda ishtirok etgan bolalar uch shart boʼyicha oʼzaro bellashdilar. Tanlovda ishtirokchilar tanishtiruv, yaqin masofaga yugurish hamda qurolni yoyib-yigʼish shartlarini mohirlik bilan bajarib, haqiqiy Temur izdoshlari ekanliklarini namoyish etdilar.
Musobaqada faxrli birinchi oʼrinni 9-sinfning «Xirovul» jamoasi qoʼlga kiritdi. Tadbir soʼngida gʼoliblarga tashkilotchilar tomonidan esdalik sovgʼalari taqdim etildi.
