“АМИР ТЕМУР ВОРИСЛАРИ” МУСОБАҚАСИ ҚИЗҒИН ЎТДИ
Буюк аждодимиз Соҳибқирон Амир Темур таваллудининг 685 йиллиги муносабати билан Миллий гвардия Наманган вилояти бўйича бошқармаси ҳамда Қўриқлаш хизмати ходимлари томонидан Наманган вилояти Чортоқ туманидаги 5-сонли Давлат ихтисослаштирилган мактаб интернатида «Амир Темур ворислари» номли мусобақа ташкил этилди.
Тадбирда иштирок этган болалар уч шарт бўйича ўзаро беллашдилар. Танловда иштирокчилар таништирув, яқин масофага югуриш ҳамда қуролни ёйиб-йиғиш шартларини моҳирлик билан бажариб, ҳақиқий Темур издошлари эканликларини намойиш этдилар.
Мусобақада фахрли биринчи ўринни 9-синфнинг «Хировул» жамоаси қўлга киритди. Тадбир сўнгида ғолибларга ташкилотчилар томонидан эсдалик совғалари тақдим этилди.
