Andijon viloyatida xizmat vazifasini o‘tab kelayotgan harbiy xizmatchi va xodimlar hamda ularning oila aʼzolarining ijtimoiy himoyasi yuzasidan sayyor qabul va ommaviy uchrashuv tashkillashtirildi.
Mamlakatimizda harbiy xizmat nufuzini yuksaltirish, jangovar shayligini yana-da oshirish, xizmat o‘tash uchun qulay sharoitlar yaratish, harbiy xizmatchilar hamda ularning oila aʼzolarining ijtimoiy himoyasini taʼminlash masalalariga alohida eʼtibor qaratilmoqda. Xususan, Andijon viloyatida harbiy xizmatchi va ularning oila aʼzolari ishtirokida Harbiy prokuratura, Milliy gvardiya, Mudofaa, Ichki ishlar hamda Favqulodda vaziyatlar vazirliklari tomonidan sayyor qabul tashkil etildi.
Bugungi kunda Qurolli Kuchlar saflarida xizmat qilayotgan harbiy xizmatchi hamda oila aʼzolari uchun bir qator imtiyozlar,turmush tarzi hamda bandligini taʼminlashga qaratilgan chora-tadbirlar belgilab olingan. Bunga misol tariqasida Andijon viloyatida o‘tkazilgan sayyor hamda ommaviy qabullarni aytib o‘tish joiz.
Qabulga tashrif buyurgan harbiy xizmatchi va ularning oila aʼzolari o‘zlarining huquqiy bilimlarini oshirish bilan bir qatorda, bugungi kunda qiynab kelayotgan muammolar bo‘yicha tegishli mansabdor shaxslarga murojaat qilish imkoniyatiga ega bo‘ldilar.
