Андижон вилоятида хизмат вазифасини ўтаб келаётган ҳарбий хизматчи ва ходимлар ҳамда уларнинг оила аъзоларининг ижтимоий ҳимояси юзасидан сайёр қабул ва оммавий учрашув ташкиллаштирилди.
Мамлакатимизда ҳарбий хизмат нуфузини юксалтириш, жанговар шайлигини янада ошириш, хизмат ўташ учун қулай шароитлар яратиш, ҳарбий хизматчилар ҳамда уларнинг оила аъзоларининг ижтимоий ҳимоясини таъминлаш масалаларига алоҳида эътибор қаратилмоқда. Хусусан, Андижон вилоятида ҳарбий хизматчи ва уларнинг оила аъзолари иштирокида Ҳарбий прокуратура, Миллий гвардия, Мудофаа, Ички ишлар ҳамда Фавқулодда вазиятлар вазирликлари томонидан сайёр қабул ташкил этилди.
Бугунги кунда Қуролли Кучлар сафларида хизмат қилаётган ҳарбий хизматчи ҳамда оила аъзолари учун бир қатор имтиёзлар,турмуш тарзи ҳамда бандлигини таъминлашга қаратилган чора-тадбирлар белгилаб олинган. Бунга мисол тариқасида Андижон вилоятида ўтказилган сайёр ҳамда оммавий қабулларни айтиб ўтиш жоиз.
Қабулга ташриф буюрган ҳарбий хизматчи ва уларнинг оила аъзолари ўзларининг ҳуқуқий билимларини ошириш билан бир қаторда, бугунги кунда қийнаб келаётган муаммолар бўйича тегишли мансабдор шахсларга мурожаат қилиш имкониятига эга бўлдилар.
