HAR BIRIMIZ TABIATNI ASRASHGA HISSA QO‘SHAYLIK
Davlatimiz rahbari tashabbusi bilan amalga oshirilayotgan “Yashil makon” umummilliy loyihasi doirasida Respublikamiz bo‘ylab Milliy gvardiya harbiy xizmatchi va xodimlari ham faol ishtirok etmoqda.
Xususan, Milliy gvardiya qo‘mondoni general-mayor R.Djuraev boshchiligida va mutasaddi rahbarlar ishtirokida Jamoat xavfsizligi universiteti hududida tashkil etilgan umumiy maydoni 2,3 gektar bog‘ga 5 ming tup, Toshkent viloyati Ohangaron tumanidagi 20 gektar hududga 8,5 ming tup hamda Sirdaryo viloyatida joylashgan Milliy gvardiya Ixtisoslashtirilgan o‘quv markazi hududiga 1,5 ming tupdan ortiq mevali va manzarali daraxt ko‘chatlari ekildi.
“Kuzgi daraxt ekish mavsumi” davomida Milliy gvardiyaga biriktirilgan hududlarda 120 ming tup manzarali va mevali daraxt ko‘chatlarini ekish rejalashtirilgan bo‘lib, shu kunga qadar 90 mingga yaqini ekildi va ularni parvarish qilish ishlari olib borilmoqda.
