ҲАР БИРИМИЗ ТАБИАТНИ АСРАШГА ҲИССА ҚЎШАЙЛИК
Давлатимиз раҳбари ташаббуси билан амалга оширилаётган “Яшил макон” умуммиллий лойиҳаси доирасида Республикамиз бўйлаб Миллий гвардия ҳарбий хизматчи ва ходимлари ҳам фаол иштирок этмоқда.
Хусусан, Миллий гвардия қўмондони генерал-майор Р.Джураев бошчилигида ва мутасадди раҳбарлар иштирокида Жамоат хавфсизлиги университети ҳудудида ташкил этилган умумий майдони 2,3 гектар боғга 5 минг туп, Тошкент вилояти Оҳангарон туманидаги 20 гектар ҳудудга 8,5 минг туп ҳамда Сирдарё вилоятида жойлашган Миллий гвардия Ихтисослаштирилган ўқув маркази ҳудудига 1,5 минг тупдан ортиқ мевали ва манзарали дарахт кўчатлари экилди.
“Кузги дарахт экиш мавсуми” давомида Миллий гвардияга бириктирилган ҳудудларда 120 минг туп манзарали ва мевали дарахт кўчатларини экиш режалаштирилган бўлиб, шу кунга қадар 90 мингга яқини экилди ва уларни парвариш қилиш ишлари олиб борилмоқда.
