Milliy gvardiya markaziy devonida “Harbiy-vatanparvarlik” va "Yosh gardiyachilar" sinflari mavjud bo‘lgan umumiy o‘rta taʼlim maktablarining chaqiruvga qadar boshlang‘ich tayyorgarlik fani o‘qituvchilari bilan Milliy gvardiyaning Toshkent shahar, Qoraqolpog‘iston respublikasi, Farg‘ona va Jizzax viloyatlaridagi mintaqaviy o‘quv markazlarida o‘tkazilayotgan o‘quv yig‘inining boshlanishi munosabati bilan onlayn konferens aloqa tarzida video selektor o‘tkazildi. Tadbirda Milliy gvardiya qo‘mondoni o‘rinbosari polkovnik S.Mamayusupov, Maktabgacha va maktab taʼlimi vaziri o‘rinbosari F.Boqiyevlar ishtirok etishib, o‘quv yig‘ini ishtirokchilariga yangi o‘quv yilida amalga oshiriladigan zamonaviy metodlar bilan tanishtirdi. Jumaladan, yangi o‘quv yilida o‘quvchilar uchun tashkil etiladigan vatanparvarlik tardbirlari har bir oyga berilgan nomga mos ravishda o‘tkaziladi. Shuningdek, tashkil etiladigan "Yosh gardiyachilar" sinflari namunali tarzda jixozlanishi haqida ham aytib o‘tildi.

Bo‘lib o‘tadigan o‘quv yig‘ini davomida umumiy o‘rta taʼlim maktablarining chaqiruvga qadar boshlang‘ich tayyorgarlik fani o‘qituvchilari bilan Jamoat xavsizligi universiteti prefessor-o‘qituvchilari tomonidan masofadan on-layn mashg‘ulotlar va asosan amaliy mashg‘ulotlar tashkillashtirilishi taʼkidlandi. Albatta yangi o‘quv yilida o‘quvchilarni harbiy vatanparlik ruhida tarbiyalashda Milliy gvardiya va Maktabgacha va maktab taʼlimi vazirligining uzviy hamkorligida o‘tkazilayotgan bu kabi o‘quv-yig‘inlari muhim ahamiyat kasb etadi.