"Ҳарбий-ватанпарварлик" ва "Ёш гардиячилар" синфлари мавжуд бўлган умумий ўрта таълим мактабларининг чақирувга қадар бошланғич тайёргарлик фани ўқитувчилари билан ўқув йиғини ташкил этилди
Миллий гвардия марказий девонида "Ҳарбий-ватанпарварлик" ва "Ёш гардиячилар" синфлари мавжуд бўлган умумий ўрта таълим мактабларининг чақирувга қадар бошланғич тайёргарлик фани ўқитувчилари билан Миллий гвардиянинг Тошкент шаҳар, Қорақолпоғистон республикаси, Фарғона ва Жиззах вилоятларидаги минтақавий ўқув марказларида ўтказилаётган ўқув йиғинининг бошланиши муносабати билан онлайн конференц алоқа тарзида видео селектор ўтказилди. Тадбирда Миллий гвардия қўмондони ўринбосари полковник С.Мамаюсупов, Мактабгача ва мактаб таълими вазири ўринбосари Ф.Боқийeвлар иштирок этишиб, ўқув йиғини иштирокчиларига янги ўқув йилида амалга ошириладиган замонавий методлар билан таништирди. Жумаладан, янги ўқув йилида ўқувчилар учун ташкил этиладиган ватанпарварлик тардбирлари ҳар бир ойга берилган номга мос равишда ўтказилади. Шунингдек, ташкил этиладиган "Ёш гардиячилар" синфлари намунали тарзда жихозланиши ҳақида ҳам айтиб ўтилди.
Бўлиб ўтадиган ўқув йиғини давомида умумий ўрта таълим мактабларининг чақирувга қадар бошланғич тайёргарлик фани ўқитувчилари билан Жамоат хавсизлиги университети префессор-ўқитувчилари томонидан масофадан он-лайн машғулотлар ва асосан амалий машғулотлар ташкиллаштирилиши таъкидланди. Албатта янги ўқув йилида ўқувчиларни ҳарбий ватанпарлик руҳида тарбиялашда Миллий гвардия ва Мактабгача ва мактаб таълими вазирлигининг узвий ҳамкорлигида ўтказилаётган бу каби ўқув-йиғинлари муҳим аҳамият касб этади.
