Armiya va Xalq – bir tanu jondir!
Joriy yilning 03 dekabr kuni Milliy gvardiya Surxondaryo viloyati bo‘yicha boshqarmasida, O‘zbekiston Respublikasi Qurolli Kuchlarining tashkil etilganining 30 yilligi munosabati bilan, yoshlarda harbiy vatanparvarlik va insoniylik tuyg‘ularini shakllantirish, halq va armiya yakdilligini yana-da mustahkamlashga qaratilgan "Armiya va xalq – bir tanu jondir!" shiori ostida ochiq eshiklar kuni tadbiri tashkil etildi. Tadbirda, harbiy texnikalar, qurol-aslahalarning ko‘rgazmasi namoyish etilgani o‘g‘il-qizlarning askarlar hayotini tasavvur etishiga, Vatanni himoya qilish g‘oyat masʼuliyatli burch ekanligini tushunishga xizmat qildi. Milliy gvardiyaning xizmatda foydalanib kelinayotgan Qorabayir ot zotlari bilan yaqindan tanishgan ishtirokchilar, tulporlarni egarlab, minib, chavandozlik borasidagi dastlabki ko‘nikmalarga ega bo‘lishdi. Tadbir davomida sportning shaxmat-shashka va kamondan otish turlari bo‘yicha ham mashg‘ulotlar olib borildi. Ayniqsa, azaliy milliy anʼana va qadriyatlarimizdan biri sanalgan kamondan otish sporti yoshlarda katta qiziqish uyg‘otdi. O‘g‘il-qizlarda Vatanga muhabbat, uning posboni bo‘lishdek shonli kasbga mehr uyg‘otuvchi bu kabi tadbirlar vohada davom etmoqda.
