Attraksionlarda xavfsizlik qoidalariga eʼtibor bermaslik ayanchli oqibatlarga olib kelishi mumkin
Joriy yilning 12 iyun kuni tungi soat taxminan 22:10 lar atrofida Shayxontohur tumanida joylashgan «Anhor – Lokomotiv» ko‘ngilochar bog‘ida 24 yoshli B.E va 30 yoshli T.M lar ushbu bog‘da joylashgan “Melnitsa” nomli attraksionda uchish chog‘ida xavfsizlik kamarlarini taqmaganliklari sababli yiqilib tushganlar.
Mazkur bog‘da xizmat olib borayotgan Milliy gvardiya harbiy xizmatchilari zudlik bilan voqea joyiga yetib kelib, tez yordam kelgunga qadar ularga birinchi tibbiy yordam ko‘rsatishgan.
Tez yordam yetib kelgach, fuqarolar Chilonzor tumanida joylashgan Respublika tez tibbiy yordam ilmiy markaziga olib ketilgan.
Hurmatli fuqarolar, ko‘ngilochar bog‘lar hududida xavfsizlik qoidalariga rioya etishni yodingizdan chiqarmang. Ayniqsa, attraksionlarda uchayotgan paytingiz yo‘riqnomalarga amal qilgan holda, xavfsizlik kamarlari taqilganligini tekshirib ko‘rishni unutmang.
