Avval xabar berganimizdek, Davlatimiz rahbari topshirig‘iga binoan Milliy gvardiya qo‘mondoni R.Djurayev boshchiligidagi idoralararo ishchi guruh tomonidan, Navoiy viloyatida aholining muammolarini aniqlash va bartaraf etish hamda kriminogen vaziyat barqarorligini taʼminlashga qaratilgan chora-tadbirlar davom ettirilmoqda
O‘rganishlar davomida aholini tashvishga solayotgan dolzarb kundalik ijtimoiy-maishiy muammolarni hal etishda sektorlar faoliyatining samaradorligi, ishsizlik va kambag‘allikni qisqartirish, oilaviy tadbirkorlik, yoshlar va ayollarning tashabbuskor loyihalariga ko‘maklashish choralari ko‘rilmoqda.
Xususan, bugun idoralararo ishchi guruh tarkibidagi masʼul vazirlik va idoralar mutasaddilari joylarga chiqib aholi bilan uchrashdilar va aniqlangan muammolarning aksariyati murojaat qilgan fuqarolar ko‘z o‘ngida hal qilindi. Amalga oshirilayotgan hamkorlikdagi ishlar samarasida, viloyatdagi kriminogen vaziyatni yana-da barqarorlashtirish hamda aholi o‘rtasida ishsizlikni qisqartirish ayniqsa ayollar va yoshlarni bandligini taʼminlashga qaratilgan masalalar o‘z yechimini topmoqda.
